Αἱ νεάνιδες ἀριθμόν οὐκ ἔχουσαι· οὐ τῷ μὴ
ὑποπίπτειν ἀριθμῷ, ἀλλὰ τῷ ἀξίας αὐτὰς εἶναι ἀριθμηθῆναι·
καὶ τάχα τῆς αὐτῆς διανοίας ἔχεται, τῇ
ἐνταῦθα διαφορᾷ τῶν νεανίδων τῶν κοινωνουμένων
ὑπὸ Χριστοῦ, καὶ τὰ παρὰ Ἀποστόλου λεγόμενα περὶ
ἀναστάσεως νεκρῶν, λόγῳ τάγματα φάσκοντι· ἐπειδὴ
γὰρ διʼ ἀνθρώπου θάνατος, καὶ διʼ ἀνθρώπου ἀνάστασις
νεκρῶν· ὥσπερ γὰρ ἐν τῷ Ἀδὰμ πάντες
ἀποθνήσκουσιν, οὕτω καὶ ἐν τῷ Χριστῷ πάντες
ζωοποιηθήσονται· ἐκασπτος ἐν τῷ ἰδίῳ τάγματε·
ὁ γὰρ ἑκάστου βίος καὶ λόγος καὶ διάθεσις ποιήσει
προκριθῆναι ἑκάστου κατʼ ἀξίαν.