Στίχ. λη΄. Τὴν ἐπιθυμίαν τῶν πενήτων εἰσήκουσας,
Κύριε· τῇ ἐτοιμασίᾳ τῆς καρδίας αὐτῶν
πρόσεχε τὸ οὖς σου. Ἐπεθύμουν γὰρ συντριβῆναι τοῦ ἁμαρτωλοῦ τὸν
βραχίονα, καὶ τῆς αὐτοῦ τυραννίδος ἐλευθερωθῆναι·
ὃ δὴ καὶ γέγονεν. Ἐπιθυμία δὲ διανοίας ἀγαθῆς
ἐνεργής ἐστι προσευχή. Ἥν ἰδὼν ὁ καρδιογνώστης.
ἐπλήρωσεν. Ἑτοίμην γὰρ εἶχον πρὸς τὸ σωθῆναι καρδίαν,
καὶ τῆς ἐπηγγελμένης βασιλείας τυχεῖν.