XXI. Μικρῷ δὲ πλέον ἐνιαυτοῦ βασιλεύσαντα 
Νερούαν διαδέχεται Τραϊανός· οὗ δὴ πρῶτον ἔτος ἦν
ἐν ᾧ τῆς κατ’ Ἀλεξάνδρειαν παροικίας Ἀβίλιον δέκα
πρὸς τρισὶν ἔτεσιν ἡγησάμενον διαδέχεται Κερδῶν·
τρίτος οὗτος τῶν αὐτόθι μετὰ τὸν πρῶτον ᾿Αννιανὸν
προέστη. ἐν τούτῳ δὲ Ῥωμαίων εἰς ἔτι Κλήμης
ἡγεῖτο, τρίτον καὶ αὐτὸς ἐπέχων τῶν τῇδε μετὰ
Παῦλόν τε καὶ Πέτρον ἐπισκοπευσάντων βαθμόν·
Λίνος δὲ ὁ πρῶτος ἢν καὶ μετ’ αὐτὸν ᾿Ανέγκλητος .