Ἄγε δή, καθάρας σεαυτὸν ἀπὸ πάντων τῶν
προκατεχόντων σου τὴν διάνοιαν λογισμῶν καὶ τὴν
ἀπατῶσάν σε συνήθειαν ἀποσκευασάμενος καὶ
 
γενόμενος ὥσπερ ἐξ ἀρχῆς καινὸς ἄνθρωπος, ὡς ἂν
καὶ λόγου καινοῦ, καθάπερ καὶ αὐτὸς ὡμολόγησας,
ἀκροατὴς ἐσόμενος: ἴδε μὴ μόνον τοῖς ὀφθαλμοῖς,
ἀλλὰ καὶ τῇ φρονήσει, τίνος ὑποστάσεως ἢ τίνος
εἴδους τυγχάνουσιν, οὓς ἐρεῖτε καὶ νομίζετε θεούς.