ὅτι Ὀδυσσεὺς λαβὼν αἰχμάλωτον Φρύγα ἠνάγκασε
				γράψαι περὶ προδοσίας ὡς παρὰ Πριάμου πρὸς Παλαμήδην· καὶ χώσας ἐν ταῖς
				σκηναῖς αὐτοῦ χρυσὸν τὴν δέλτον ἔρριψεν ἐν τῷ
				στρατοπέδῳ. Ἀγαμέμνων δὲ ἀναγνοὺς καὶ εὑρὼν τὸν χρυσόν, τοῖς συμμάχοις αὐτὸν ὡς
				προδότην παρέδωκε καταλεῦσαι. ὅτι Μενέλαος σὺν Ὀδυσσεῖ καὶ Ταλθυβίῳ πρὸς Κινύραν
				εἰς 
 Κύπρον ἐλθόντες συμμαχεῖν ἔπειθον· ὁ δὲ
				Ἀγαμέμνονι μὲν οὐ παρόντι θώρακας ἐδωρήσατο, ὀμόσας δὲ πέμψειν πεντήκοντα ναῦς, μίαν
				πέμψας, ἧς ἦρχεν ὁ Μυγδαλίωνος, καὶ τὰς
				λοιπὰς ἐκ γῆς πλάσας μεθῆκεν εἰς τὸ πέλαγος.