τῶ καλάθω κατιόντος ἐπιφθέγξασθε γυναῖκεςΔάματερ μέγα χαῖρε πολύτροφε πουλυμέδιμνε.τὸν κάλαθον κατιόντα χαμαὶ θασεῖσθε βέβαλοι,μηδʼ ἀπὸ τῶ τέγεος μηδʼ ὑψόθεν αὐγάσσησθεμὴ παῖς μηδὲ γυνὰ μηδʼ ἃ κατεχεύατο χαίταν,μηδʼ ὅκʼ ἀφʼ αὑαλέων στομάτων πτύωμες ἄπαστοι.ἕσπερος ἐκ νεφέων ἐσκέψατο (πανίκα νεῖται;),ἕσπερος, ὅστε πιεῖν Δαμάτερα μῶνος ἔπεισεν,ἁρπαγίμας ὅκʼ ἄπυστα μετέστιχεν ἴχνια κώρας.πότνια πῶς σε δύναντο πόδες φέρεν ἔστʼ ἐπὶ δυθμάς,ἔστʼ ἐπὶ τὼς μέλανας καὶ ὅπα τὰ χρύσεα μᾶλα;οὐ πίες οὐδʼ ἄρʼ ἔδες τῆνον χρόνον οὐδὲ λοέσσα.