Διαφέρουσι δὲ οἱ μείζονες πόδες τῶν ἐλαττόνων
ἐν τῷ αὐτῷ γένει ἀγωγῇ. ἔστι δὲ ἀγωγὴ ῥυθμοῦ
 τῶν ἐν τῷ αὐτῷ λόγῳ ποδῶν κατὰ μέγεθος διαφορά,
οἷον ὁ τρίσημος ἰαμβικός, ὁ σημεῖον συνέχων ἓν ἐν
ἄρσει καὶ διπλάσιον ἐν θέσει, καὶ ὁ ἑξάσημος ἰαμβικός, ὁ
σημεῖα δύο συνέχων ἐν ἄρσει καὶ διπλάσιον ἐν θέσει. τῶν
γὰρ τριῶν ἡ διαίρεσις εἰς σημεῖον καὶ διπλάσιον
 γίνεται τῶν τε ἓξ ὁμοίως. οὗτοι οὗν οἱ πόδες, μεγέ-
θει ἀλλήλων διαφέροντες, γένει καὶ τῇ διαιρέσει τῶν
ποδικῶν σημείων οἱ αὐτοί εἰσιν.