3. Γλεννᾶται δʼ ἐν αὐτῷ καὶ βοτάνη ἄξαλλα καλουμένη,
μεθερμηνευομένη θερμόν· ταύτην οἱ τεταρταΐζοντες,
ὅταν ἐπὶ τοῦ στήθους θῶσιν, ἀπαλλάττονται
παραχρῆμα τῆς ἐπισημασίας, καθὼς ἱστορεῖ Χρύσερμος
Κορίνθιος ἐν ιγ΄ περὶ Ποταμῶν. 4. Παράκειται δʼ αὐτῷ ὄρος Δριμύλον καλούμενον,
ἐν ᾧ γεννᾶται λίθος σαρδόνυχι παρόμοιος, ᾧ οἱ βασιλεῖς
ἐν ταῖς βασιλείαις χρῶνται· ποιεῖ δὲ ἄριστα πρὸς
ἀμβλυωπίας εἰς ὕδωρ θερμὸν βαλλόμενος, καθὼς ἱστορεῖ
Νικίας ὁ Μαλλώτης ἐν τοῖς περὶ Λίθων.