Tandem Dicaearchus definit orbem terrarum non aquis, sed ductu lineae
 cuiusdam simpliciter rectae, a columnis Herculis per Sardiniam,
 Siciliam, Peloponnesum, Ioniam, Cariam, Lyciam, Pamphyliam, Ciliciam, et
 Taurum, et inde usque ad Imaum actae: secundum quam alias orbis partes
 Boreales, alias Australes nominat. 
 Caput II. De Ventis.
 Venti autem flant ab Aequinoctiali ortu Apeliotes, ab occasu
 Aequinoctiali Zephyrus; a meridie Notus, a Septentrione Aparctias: ab
 aestivi Tropici ortu spirat Caecias; dein ab ortu Aequinoctiali
 Apeliotes, ab hiberno denique Eurus.