βραχεῖ δὲ μύθῳ πάντα συλλήβδην μάθε,πᾶσαι τέχναι βροτοῖσιν ἐκ Προμηθέως.Χορόςμή νυν βροτοὺς μὲν ὠφέλει καιροῦ πέρα,σαυτοῦ δʼ ἀκήδει δυστυχοῦντος. ὡς ἐγὼεὔελπίς εἰμι τῶνδέ σʼ ἐκ δεσμῶν ἔτιλυθέντα μηδὲν μεῖον ἰσχύσειν Διός.Προμηθεύςοὐ ταῦτα ταύτῃ Μοῖρά πω τελεσφόροςκρᾶναι πέπρωται, μυρίαις δὲ πημοναῖςδύαις τε καμφθεὶς ὧδε δεσμὰ φυγγάνω·τέχνη δʼ ἀνάγκης ἀσθενεστέρα μακρῷ.Χορόςτίς οὖν ἀνάγκης ἐστὶν οἰακοστρόφος;ΠρομηθεύςΜοῖραι τρίμορφοι μνήμονές τʼ ἘρινύεςΧορόςτούτων ἄρα Ζεύς ἐστιν ἀσθενέστερος;Προμηθεύςοὔκουν ἂν ἐκφύγοι γε τὴν πεπρωμένην.Χορόςτί γὰρ πέπρωται Ζηνὶ πλὴν ἀεὶ κρατεῖν;Προμηθεύςτοῦτʼ οὐκέτʼ ἂν πύθοιο μηδὲ λιπάρει.Χορόςἦ πού τι σεμνόν ἐστιν ὃ ξυναμπέχεις.Προμηθεύςἄλλου λόγου μέμνησθε, τόνδε δʼ οὐδαμῶςκαιρὸς γεγωνεῖν, ἀλλὰ συγκαλυπτέοςὅσον μάλιστα· τόνδε γὰρ σῴζων ἐγὼδεσμοὺς ἀεικεῖς καὶ δύας ἐκφυγγάνω.

Χορόςμηδάμʼ ὁ πάντα νέμωνθεῖτʼ ἐμᾷ γνώμᾳ κράτος ἀντίπαλον Ζεύς,μηδʼ ἐλινύσαιμι θεοὺς ὁσίαις θοίναις ποτινισομέναβουφόνοις παρʼ Ὠκεανοῦ πατρὸς ἄσβεστον πόρον,μηδʼ ἀλίτοιμι λόγοις·ἀλλά μοι τόδʼ ἐμμένοι καὶ μήποτʼ ἐκτακείη·

Χορόςἁδύ τι θαρσαλέαιςτὸν μακρὸν τείνειν βίον ἐλπίσι, φαναῖςθυμὸν ἀλδαίνουσαν ἐν εὐφροσύναις. φρίσ-