γένοιτʼ ἂν ἄλλα Κτησίου Διὸς χάριν·καὶ γλῶσσα τοξεύσασα μὴ τὰ καίρια,γένοιτο μύθου μῦθος ἂν θελκτήριοςἀλγεινὰ θυμοῦ κάρτα κινητήρια.ὅπως δʼ ὅμαιμον αἷμα μὴ γενήσεται,δεῖ κάρτα θύειν καὶ πεσεῖν χρηστήριαθεοῖσι πολλοῖς πολλά, πημονῆς ἄκη.ἦ κάρτα νείκους τοῦδʼ ἔσω παροίχομαιθέλω δʼ ἄιδρις μᾶλλον ἢ σοφὸς κακῶνεἶναι. γένοιτο δʼ εὖ παρὰ γνώμην ἐμήν.Χορόςπολλῶν ἄκουσον τέρματʼ αἰδοίων λόγων.Βασιλεύςἤκουσα, καὶ λέγοις ἄν. οὔ με φεύξεται.Χορόςἔχω στρόφους ζώνας τε, συλλαβὰς πέπλωνΒασιλεύςτάχʼ ἂν γυναιξὶ ταῦτα συμπρεπῆ πέλοι.Χορόςἐκ τῶνδε τοίνυν, ἴσθι, μηχανὴ καλή—Βασιλεύςλέξον τίνʼ αὐδὴν τήνδε γηρυθεῖσʼ ἔσῃ.Χορόςεἰ μή τι πιστὸν τῷδʼ ὑποστήσεις στόλῳ—Βασιλεύςτί σοι περαίνει μηχανὴ συζωμάτων;Χορόςνέοις πίναξι βρέτεα κοσμῆσαι τάδε.Βασιλεύςαἰνιγματῶδες τοὔπος· ἀλλʼ ἁπλῶς φράσον.Χορόςἐκ τῶνδʼ ὅπως τάχιστʼ ἀπάγξασθαι θεῶν.Βασιλεύςἤκουσα μαστικτῆρα καρδίας λόγον.Χορόςξυνῆκας· ὠμμάτωσα γὰρ σαφέστερον.Βασιλεύςκαὶ πολλαχῇ γε δυσπάλαιστα πράγματα,κακῶν δὲ πλῆθος ποταμὸς ὣς ἐπέρχεται·ἄτης δʼ ἄβυσσον πέλαγος οὐ μάλʼ εὔποροντόδʼ ἐσβέβηκα, κοὐδαμοῦ λιμὴν κακῶν.εἰ μὲν γὰρ ὑμῖν μὴ τόδʼ ἐκπράξω χρέος,μίασμʼ ἔλεξας οὐχ ὑπερτοξεύσιμον.εἰ δʼ αὖθʼ ὁμαίμοις παισὶν Αἰγύπτου σέθεν