τρεῖς γὰρ δὴ συνθέσεως σπουδαίας χαρακτῆρες 37
οὗτοι οἱ γενικώτατοι, οἱ δʼ ἄλλοι παρὰ τούτους τε καὶ
ἀπὸ τούτων εἰσὶ κατεσκευασμένοι, πολλοὶ σφόδρα ὄντες,
ἐπιτάσει τε καὶ ἀνέσει διαφέροντες ἀλλήλων. εἰλικρινὴς
 μὲν οὖν ἁρμονία καὶ ἀκραιφνὴς χαρακτὴρ κατὰ 
πᾶν οὐκ ἂν εὑρεθείη παρʼ οὐδενὶ οὔτε ἐμμέτρων οὔτε
πεζῶν ποιητῇ λόγων, οὐδὲ χρὴ μαρτύρια τοιαῦτα παρʼ
οὐδενὸς ἀπαιτεῖν. ὅπου γὰρ οὐδὲ τῶν στοιχείων τῶν
πρώτων, ἐξ ὧν ἡ τοῦ παντὸς συνέστη φύσις, γῆς τε
καὶ ὕδατος καὶ ἀέρος καὶ πυρός, οὐδὲν εἰλικρινές 
ἐστιν, ἀλλὰ πάντα μετέχει πάντων, ὠνόμασται δʼ ἕκαστον
αὐτῶν κατὰ τὸ πλεονάζον, τί θαυμαστόν, εἰ αἱ
τῆς λέξεως ἁρμονίαι τρεῖς οὖσαι τὸν ἀριθμὸν οὐκ
ἔχουσιν εἰλικρινῆ τὴν φύσιν οὐδʼ ἀνεπίμικτον, ἀλλʼ ἐκ
τῶν ὡς ἐπὶ τὸ πολὺ συμβεβηκότων αὐτοῖς ὀνόματός 
 1 ἄττα Sylburgius: αὐτὰ 4 (καὶ φίλαν) καὶ φιλάρχαιον P 
 5 σεμνὸν B | ἐπετήδευσαν malim 6 ἀρμονίαν B | λισυ-
ρᾶν B 7 μαλακὸν Sylburgius: μάλα 8 συμφοτὸς B 9 τὰ
χρησιμώτατα, τὴν Krüger: χρησιμωτάτην 12 δὲ BP 15 ἀρ-
μονία B | ἀκραιφνὴν B 19 πρώτου B 21 ἕκαστων B
24 φύσην B | ἂν ἐπίμικτον BP 25 συνβεβηκότων B
 

 
τε ἠξίωνται καὶ χαρακτῆρος ἰδίου; ὥσθʼ, ὅταν παρέχωμαι
δείγματα ἑκάστης καὶ μαρτύρια φέρω, λέξεις
τινὰς παρατιθεὶς τῶν χρησαμένων αὐταῖς ποιητῶν τε
καὶ συγγραφέων, μηδεὶς συκοφαντείτω τὰς ἐπιπλοκὰς
 καὶ τὰς κατὰ μόρια ποιότητας αὐτῶν, ἀλλὰ κατὰ τὸ
πλεονάζον ἕκαστον τῶν παραλαμβανομένων σκοπείτω,
τεκμαιρόμενος, εἰ πολλαχῇ τοιοῦτόν ἐστι τὸ δεικνύμενον,
οὐκ εἰ ἀπανταχῇ. |