Ἐγὼ μὲν οὖν οὐδένα τοῦτο πεπονθότα εἶδον,
μηδέ, ὦ θεοί, ἴδοιμι οὕτω κολαζόμενον ἄνθρωπον,
ἀλλ’ οὐδὲ ἐπέβην τῆς Λιβύης τὸ παράπαν εὖ
ποιῶν. ἐπίγραμμα δέ τι ἤκουσα, ὅ μοι τῶν
ἑταίρων τις ἔλεγεν αὐτὸς ἐπὶ στήλης ἀνεγνωκέναι
ἀνδρὸς οὕτως ἀποθανόντος. ἐκ Λιβύης ἔφη ἀπιὼν
ἐς Αἴγυπτον παρὰ τὴν μεγάλην Σύρτιν ποιεῖσθαι
τὴν πορείαν· οὐ γὰρ εἶναι ἄλλως. ἔνθα δὴ τάφῳ
ἐντυχεῖν παρὰ τὴν ἠϊόνα ἐπ' αὐτῷ τῷ κλύσματι,
καὶ στήλην ἐφεστάναι δηλοῦσαν τοῦ ὀλέθρου τὸν
τρόπον· κεκολάφθαι γὰρ ἐπ' αὐτῇ ἄνθρωπον μέν
τινα οἷον τὸν Τάνταλον γράφουσιν ἐν λίμνῃ ἑστῶτα
καὶ ἀρυόμενον τοῦ ὕδατος, ὡς πίοι δῆθεν, τὸ
θηρίον δὲ—τὴν διψάδα—ἐμπεφυκὸς αὐτῷ περιεσπειρᾶσθαι
τῷ ποδί, καί τινας γυναῖκας ὑδροφορούσας
ἅμα πολλὰς καταχεῖν τὸ ὕδωρ αὐτοῦ· πλησίον
δὲ ᾠὰ κεῖσθαι οἷα τῶν στρουθῶν ἐκείνων οὓς ἔφην


 

θηρᾶν τοὺς Γαράμαντας· γεγράφθαι δὲ πρὸς
τοὐπίγραμμα—οὐ χεῖρον δὲ καὶ αὐτὸ εἰπεῖν,
 Τοῖα παθόντ' οἶμαι καὶ Τάνταλον αἴθοπος ἰοῦ μηδαμὰ κοιμῆσαι διψαλέην ὀδύνην. καὶ Δαναοῖο κόρας τοῖον
 καὶ Δαναοῖο κόρας τοῖον edd.: τὰς τὸν MSS. 
 πίθον οὐκ ἀναπλῆσαι αἰὲν ἐπαντλούσας ὑδροφόρῳ καμάτῳ. 
ἔτι καὶ ἄλλα ἔπη τέτταρά ἐστι περὶ τῶν ᾠῶν, καὶ
ὡς ἀναιρούμενος αὐτὰ ἐδήχθη, ἀλλ’ οὐκέτι μέμνημαι
ἐκείνων.