Than Combabe mad his weye safly; and whan thei were comen to the Holy Cytee thei gan bylde the temple besily, and thei spenten three yeres in the werk, and in tho yeres that Combabe dredde befel. For in companyinge with him a gret whyl Stratonice began for to love him, and thanne sche wex right wode over him. Men of the Holy Cytee seyn that Iuno was voluntarie cause thereof, to the entente that Combabes godeness scholde not lye hidde and Stratonice scholde ben punissched be cause that sche ne behight not the temple buxomly (readily).

Atte firste sche was mesurable and hyd hir maladye; but whan as hir miseyse becam to gret for pees, sche sorwede openly and wepte everyche day, and cryde on the name of Combabe, and Com- babe was alle the worlde to hir. And fynally, for sche ne mighte not susteyne suche adversitee, sche soughte a wel semynge peticioun. Now sche was war for to avowen hir love to ony other, yit sche hadde scham for to assayen ought hirself. _Therfore sche bethoghte hir of this devys, that sche scholde make hirself dronke with wyn and thanne speke with him; for what tyme wyn cometh inne, boldness of speche cometh inne with alle, and disconfiture nys not over schamful, but all that is don passeth into foryetynge (forgetfulness).

Right as hir thoghte, right so sche didde. For aftre mete sche wente to the house wherin Combabe was logged, and besoghte him and embraced his knees and avowed hir love. But he resceyved hir wordes rudeliche, and wolde not assente to the dede, and reprevede hir of dronkenesse. But whan sche made manace to don hirself som gret harm, thanne for fere he told hir alle the storie and descryved al his owne cas and discovered his doynge. And whan Stratonice saughe that hir ne thoghte never fulness to seen, sche stente of (desisted from) hir wodenesse, yit sche forgat desisted not at alle of hir love, but companyed with him “™ alle weyes and in that gyse solacede the love, therin sche mighte not speden. That maner love abydeth yit in the Holy Cytee, and is mad now a dayes; wommen coveyten Galles and Galles wexen wode for love of wommen; natheles is no man ialous, but hem thenketh this thing right holy.

Now that that had happened in the Holy Cytee touching Stratonice scaped not the kyng in no kynde, but manye that retorneden acuseden hem and reherceden here doynges; wherfore the kyng was grevously troubled and sompnede Combabe fro the werk or it was finissched. Othere men seyn not sooth, that whan Stratonice fayled of hir purpos, sche hir self wroot lettres to hir housbond and acused Combabe, blamynge him of assayinge _hir. Right as men of Grece seyn of Steneboye and of Fedre Cnossien, right so seyn Assuriens of Stratonice.

The story of Joseph and his master’s wife (Genesis39) would be in this instance a parallel more apt. And with both compare the scorning of Ishtar by Gilgamesh in the Epic (Schrader-Zimmern, p. 571 sq.).

Whan the tidinges were come to the Holy Cytee, and Combabe lernede the acusaccioun, he wente boldely, for because he had laft his answere-at home. And at arryvinge, anon the kyng bond him and kepte him in prisoun; and after, whan his frendes there weren that there weren beforn, whan Combabe was sent forth, he ladde him in presence and began for to blamen him, reprevinge him of avowtrie and vileinye; and in sore bitternesse of herte he putte him in remembraunce of feythe and frendschipe, seyinge that Combabe didde three fold wrong be cause he was avowtrer and brak feyth and synned ayeyns the goddesse in whoos servys that he so wroughte. And manye stode forth and made witnessing that thei sanghen hem companye togider openly. And atte laste alle demeden that Combabe scholde dye right anon, for his dedis disserveden dethe.

In this tyme he stondynge seyde noght. But whan thei wolde leden him to his dethe, he spak, and requered that tresor, seyinge, he wolde sleen him, not for no vileinye ne avowtrie, but coveytinge tho thinges that in goynge he hadde betoken him. Thanne the kyng called his styward and bad him ~ brynge what hadde ben goven him for to kepe; and whan he broght it, Combabe brak the seel and schewed what was with inne and what he himself hadde soffred. And he seyde: “O Kyng, for I was adrad of this whan ye wolde sende me on this weye, therfore me was loth to gon; and whan ye gretly constreyned me, I wroghte this maner dede, that is gode for my maistre but not wel for me. Natheles, I that am such as ye seen am reprevede of a mannes synne.”