ὧν οὕνεκʼ οὐκ οἶδʼ εἴ ποτʼ Εἰρήνην ἔτιτὸ λοιπὸν ὄψεσθʼ.Τρυγαῖοςἀλλὰ ποῖ γὰρ οἴχεται;Ἑρμῆςὁ Πόλεμος αὐτὴν ἐνέβαλʼ εἰς ἄντρον βαθύ.Τρυγαῖοςἐς ποῖον;Ἑρμῆςἐς τουτὶ τὸ κάτω, κἄπειθʼ ὁρᾷςὅσους ἄνωθεν ἐπεφόρησε τῶν λίθων,ἵνα μὴ λάβητε μηδέποτʼ αὐτήν.Τρυγαῖοςεἰπέ μοι,ἡμᾶς δὲ δὴ τί δρᾶν παρασκευάζεται;Ἑρμῆςοὐκ οἶδα πλὴν ἕν, ὅτι θυείαν ἑσπέραςὑπερφυᾶ τὸ μέγεθος εἰσηνέγκατο.Τρυγαῖοςτί δῆτα ταύτῃ τῇ θυείᾳ χρήσεται;Ἑρμῆςτρίβειν ἐν αὐτῇ τὰς πόλεις βουλεύεται.ἀλλʼ εἶμι· καὶ γὰρ ἐξιέναι γνώμην ἐμὴνμέλλει· θορυβεῖ γοῦν ἔνδον.Τρυγαῖοςοἴμοι δείλαιος.φέρʼ αὐτὸν ἀποδρῶ· καὶ γὰρ ὥσπερ ᾐσθόμηνκαὐτὸς θυείας φθέγμα πολεμιστηρίας.Πόλεμοςἰὼ βροτοὶ βροτοὶ βροτοὶ πολυτλήμονες,ὡς αὐτίκα μάλα τὰς γνάθους ἀλγήσετε.Τρυγαῖοςὦναξ Ἄπολλον τῆς θυείας τοῦ πλάτους,ὅσον κακόν, καὶ τοῦ Πολέμου τοῦ βλέμματος.ἆρʼ οὗτός ἐστʼ ἐκεῖνος ὃν καὶ φεύγομεν,ὁ δεινός, ὁ ταλαύρινος, ὁ κατὰ τοῖν σκελοῖν;Πόλεμοςἰὼ Πρασιαὶ τρὶς ἄθλιαι καὶ πεντάκιςκαὶ πολλοδεκάκις, ὡς ἀπολεῖσθε τήμερον.Τρυγαῖοςτουτὶ μὲν ἄνδρες οὐδὲν ἡμῖν πρᾶγμά πω·τὸ γὰρ κακὸν τοῦτʼ ἐστὶ τῆς Λακωνικῆς.Πόλεμοςὦ Μέγαρα Μέγαρʼ ὡς ἐπιτετρίψεσθʼ αὐτίκα