ἀλλὰ μάλʼ ἐνδυκέως ἱκέτεω πεφιδήσεται ἀνδρός.ὣς ἔφατʼ, ὦρτο δὲ Ἶρις ἀελλόπος ἀγγελέουσα.ἷξεν δʼ ἐς Πριάμοιο, κίχεν δʼ ἐνοπήν τε γόον τε.παῖδες μὲν πατέρʼ ἀμφὶ καθήμενοι ἔνδοθεν αὐλῆςδάκρυσιν εἵματʼ ἔφυρον, ὃ δʼ ἐν μέσσοισι γεραιὸςἐντυπὰς ἐν χλαίνῃ κεκαλυμμένος· ἀμφὶ δὲ πολλὴκόπρος ἔην κεφαλῇ τε καὶ αὐχένι τοῖο γέροντοςτήν ῥα κυλινδόμενος καταμήσατο χερσὶν ἑῇσι.θυγατέρες δʼ ἀνὰ δώματʼ ἰδὲ νυοὶ ὠδύροντοτῶν μιμνησκόμεναι οἳ δὴ πολέες τε καὶ ἐσθλοὶχερσὶν ὑπʼ Ἀργείων κέατο ψυχὰς ὀλέσαντες.