οἳ δʼ ἔχον Ὀρμένιον, οἵ τε κρήνην Ὑπέρειαν,οἵ τʼ ἔχον Ἀστέριον Τιτάνοιό τε λευκὰ κάρηνα,τῶν ἦρχʼ Εὐρύπυλος Εὐαίμονος ἀγλαὸς υἱός·τῷ δʼ ἅμα τεσσαράκοντα μέλαιναι νῆες ἕποντο.οἳ δʼ Ἄργισσαν ἔχον καὶ Γυρτώνην ἐνέμοντο,Ὄρθην Ἠλώνην τε πόλιν τʼ Ὀλοοσσόνα λευκήν,τῶν αὖθʼ ἡγεμόνευε μενεπτόλεμος Πολυποίτηςυἱὸς Πειριθόοιο τὸν ἀθάνατος τέκετο Ζεύς·τόν ῥʼ ὑπὸ Πειριθόῳ τέκετο κλυτὸς Ἱπποδάμειαἤματι τῷ ὅτε Φῆρας ἐτίσατο λαχνήεντας,τοὺς δʼ ἐκ Πηλίου ὦσε καὶ Αἰθίκεσσι πέλασσεν·οὐκ οἶος, ἅμα τῷ γε Λεοντεὺς ὄζος Ἄρηοςυἱὸς ὑπερθύμοιο Κορώνου Καινεΐδαο·