ἰούς γʼ ἀφύκτους καὶ προπέμποντας φόνον.Νεοπτόλεμοςοὐκ ἆρʼ ἐκείνῳ γʼ οὐδὲ προσμῖξαι θρασύ;Ὀδυσσεύςοὔ, μὴ δόλῳ λαβόντα γʼ, ὡς ἐγὼ λέγω.Νεοπτόλεμοςοὐκ αἰσχρὸν ἡγεῖ δῆτα τὸ ψευδῆ λέγειν;Ὀδυσσεύςοὔκ, εἰ τὸ σωθῆναί γε τὸ ψεῦδος φέρει.Νεοπτόλεμοςπῶς οὖν βλέπων τις ταῦτα τολμήσει λακεῖν;Ὀδυσσεύςὅταν τι δρᾷς εἰς κέρδος, οὐκ ὀκνεῖν πρέπει.Νεοπτόλεμοςκέρδος δʼ ἐμοὶ τί τοῦτον ἐς Τροίαν μολεῖν;Ὀδυσσεύςαἱρεῖ τὰ τόξα ταῦτα τὴν Τροίαν μόνα.Νεοπτόλεμοςοὐκ ἆρʼ ὁ πέρσων, ὡς ἐφάσκετʼ, εἴμʼ ἐγώ;Ὀδυσσεύςοὔτʼ ἂν σὺ κείνων χωρὶς οὔτʼ ἐκεῖνα σοῦ.Νεοπτόλεμοςθηρατέʼ οὖν γίγνοιτʼ ἄν, εἴπερ ὧδʼ ἔχει.Ὀδυσσεύςὡς τοῦτό γʼ ἔρξας δύο φέρει δωρήματα.Νεοπτόλεμοςποίω; μαθὼν γὰρ οὐκ ἂν ἀρνοίμην τὸ δρᾶν.Ὀδυσσεύςσοφός τʼ ἂν αὑτὸς κἀγαθὸς κεκλῇʼ ἅμα.