Salue Minerua, maxumi proles Iouis.Bene ades, et opportuna. te spoliis egoMactabo opimis propter hanc praedam quidem.Minerua.Sapis. sed illud quod rogo narra mihi.Hastam imbuisti sanguine Argiuo tuam?Aiax.Et gloriari fas mihi est, et non negem.Minerua.Aduorsum Atridas nempe molitus manum es?Aiax.Non fiat illis ludus Aiax amplius.Minerua.Actum est, vt inquis: occiderunt ilicet:Aiax.Nunc auferant mihi arma mortui mea.Minerua.Quid vero Vlysses ille Laerta satus?Quo res loco illi est? an tuam effugit manum?Aiax.Sacramne volpem quo sit in statu rogas?Minerua.Ipsum, inquam, Vlyssem male tibi infestum caput.Aiax.Gratissimum intus assidet spectaculumCaptiuus, ipsum quod mori nondum velim.Minerua.Quidnam priusquam aggredere? quid facies lucri?Aiax.Priusquam ad altae columen euinctus domus,Minerua.Quodnam misello grande moliris malum?Aiax.Caesus flagellis efflet animam denique.Minerua.Ne miserum amabo, ne hunc ita accipias male.Aiax.Sperare in alijs, Diua, te iubeo bene.Supplicium ad istum is, nec secus, dabit modum.Minerua.Postquam hoc in animo est sat tibi acceptum, ilicet,Ne parce dextrae, cogitata perfice.Aiax.Accingor ad rem: caeterum mando tibiVt tale praestes semper auxilium mihi.Minerua.Vides, Vlysse, vim Deorum, quanta sit?Hoc homine rerum qui fuit consultior,Vel melior antehac coepta mature exequi?