Adeo superbe est eloquutus. DeniqueDiuae Mineruae, dum illum in offertissumosHortatur hostes vertere infestam manum,Dictum obloquutus perperum est et impotens:O Diua, Graecos caeteros praesens opeTutare: nam in nos nulla vis pugnae ingruet.His ille verbis sibi Deae implacabilesAsciuit iras, homine spirans altius.Sed si diem istum vescitur vita: ilicetEius salutem cum Deo confecimus.Haec augur. at me ex sessimonio statimTibi ista misit perferentem seduloMandata Teucer. Si nec adsum tempori,Non superat ille, siquid hic Calchas sapit.Chorus.Tecmessa, misera mulier, infelix genus,Accede, et audi, qualia hic verba obstrepit:Quae gaudium omne expectorant animo mihi.Tecmessa.Quid me misellam vix quiescentem a malisMeo recenter excitatis de statu?Chorus.Tibi ergo dicat iste: nam me de tuoAiace quae narrauit, exanimant metu.Tecmessa.Hau mi homo, quid ais? an penitus ego occidi?Nuntius.De te nihil promitto: de Aiace attamen,Si eliminauit ille, non sperem bene.Tecmessa.Eliminavit is quidem, ut metuam: quid est?Nuntius.Includi aperte iussit illum intra domus Consepta Teucer, nec foras amittere. Tecmessa.Ubi ipse Teucer? cur is haec adeo iubet?Nuntius.Iam mox redibit ille. caeterum exitumHominis ad aliquod tendere exitium autumat.