Quid est quod hac in re exequendum omiseris?Nuntius.Teucer vetabat, ne domo Aiax anteaPrius, quam adesset ipse, prodiret foras.Chorus.Sequutus est meliora: nempe maxumisPacem Deorum precibus exposcens abest.Nuntius.Haec verba plane plena sunt dementiae,Et stulta, siquid augurans Calchas sapit.Chorus.Quibus ista tandem fretus indiciis ais?Nuntius.Ego superstes affui, atque interfui.Nanque e corona, et regiis comitiisCalchas resurgit: seorsum Atridas deserit.Teucrum prehendit: copulatur dexteras.Infit: recenset: mandat omnibus modis,Aiacem vt hodie sedulo coercitumIntus teneret nec foras emitteret:Si vellet illum sospitem, ac superstitem.Nanque hanc, neque vltra (sic enim autumat) diemIllum Mineruae dirus exercet furor.Nam molem inanem corporum, atque inutilemMissa ruina caelitus procumberePerhibebat augur. si quis humanum nihilQuanuis creatus corpore humano, sapit.Sed ille et olim primitus domo exiensDemens, monente patre bene, deprensus est.Nam sic monebat: Gnate, bellica clueVirtute victor: vince cum Deo tamen.Contra ille torue affatur ac superbiter:O genitor, etiam si quis est nulli rei,Virtute diuum vinces: ast ego hanc facul,Etiam sine illis indipiscar gloriam.