Furore leuatus, et DeorumJussa operatus est,Et nunc pietate colensPia benigna.Omnia tempus acre delet.Nec fieri omne posse, negandum est.Vbi ipse restitutusAiax modo Atridis in--opinus est ex grauiore lite.

Nuntius.Hoc primum amici, vos ego edoctos volo:Recens ab altis Mysiae Teucer iugisAdest. is autem media castra permeansPetitur acerbis omnium Argiuum probris.Ventantem enim illum sciscitabundi proculCircunsteterunt: hinc et hinc conuitiisLacerant, lacessunt. non fuit qui non eumVecordis, insessoris etiam exercitiFratrem vocaret: nil vetare quominusSaxorum aceruis obrutus mortem oppetat.Eoque res rediret vt gladios suisVagina eburna liberarent dexteris.Sed verbo amico reprimit gliscens malumSenum senex aetate prouectissumus.Nunc vero vbi Aiax est, vt illi haec indicem?Dominis negotium omne pandere expedit.Chorus.Non est is intus, verum abiuit iam modo,Consilia nectens moribus nouis noua.Nuntius.Heu, heu.Qui misit istam me viam, aut me eam viamTarde ille misit, aut ego tardus fui.