Postquam remisit vis furoris de nece,Armenta uiua compedarum vinculisCaptiua sed cum gregibus abducit domum,Homines putans abigere, non brutos greges;Quos nunc flagellis accipit vinctos male.Age huncce sodes indicem morbum tibi,In volgus vt eum differas, vbi videris.Ne defetisce, neve deputa in maloHominem videre. luminum auersos egoOrbes reflectam quominus te viderit.O qui reuinctis manibus abducta agisHominum cateruam, huc adesdum, te voco.Aiax tibi, inquam, dico. iam prodi foras.Vlysses.Quid agis, Minerua? ne foras hominem euoca.Minerua.Potin es tacere? nec tibi metum obiice.Vlysses.Ne, amabo: sed contineat intus se domi.Minerua.Frustra vereris. non vir idem est, qui prius.Vlysses.Mihi hostis idem est ipse, qui prius fuit.Minerua.Illudere hosti ludus est suauissumus.Vlysses.Mihi quidem isthunc intus includi sat est.Minerua.Hominem videre mentis impotem fugis?Vlysses.Videre mentis compotem compos queam.Minerua.At non videbit te quidem, quamuis prope.Vlysses.Cur non, si idem oculis lumen usurpat, potest?Minerua.Faxo te vt oculis vel videns non viderit.Vlysses.Mutare magnum fas nefasque Diis leue est.Minerua.Tace, et quiesce, teque in hoc statu tene.Vlysses.Certum est tenere, sed foris mallem tamen.Minerua.Heus te, audin'? Aiax rursus appello, huc ades.Cur numen auxiliare tam parui facis?