Cassus nouello te sine aetatem exigetVt orbus, at non carus. oh quantis malis,Si moreris, illum, meque compotem facis.Te praeter aliud praesidi nil reliquumVideo. tua nam patria deleta est manu,Genitrixque: genitor occidit fato suo,Et mortuales incolunt Orci domus.Quam quaeso dulcem comparem patriam tibi?Quam opulentitatem? namque ego in te tota sum.Sit et mihi respectus aliquis. nam bonosMemores prioris esse benefacti addecet:Et gratia alia gratiam semper parit.Si quem beneficii ceperint obliuia,Non est quod ille fortis aut bonus fuat.Chorus.Vtinam, tui vt me miseret, Aiax, te quoqueMisereret: huius verba laudares, scio.Aiax.Atqui illa nobis affatim laudabitur,Si strenue ausit nostra mandata exequi.Tecmessa.Parebo, mi Aiax: cuncta properabo exequi.Aiax.Arcesse puerum nunc mihi, ut videam, meum.Tecmessa.Atqui foras eduxeram, metuens ei.Aiax.Dum fluctuarem in his malis ego, aut vbi?Tecmessa.Ne scilicet periret occursu tuo.Aiax.Hoc defit unum nempe fortunae meae.Tecmessa.Ego vindicaui: quod quidem suffecerit.Aiax.Et laudo factum, et perspicaciam tuam.Tecmessa.Sed quid iuuare te queam hoc facto meo?Aiax.Vt alloqui possim, vtque conspicarier.Tecmessa.Famularis illum asseruat hic custodia.Aiax.Sed quae mora eius distulit praesentiam?