Me, cum iam in illos verterem infestam manum,Repressit obiecta impotente insania,In gregibus istis vt cruentarem manum.Verum cachinnis nunc mihi illudunt, vbiFugere me nolente. cum Deus nocetVel fortiorem euadere ignauo est facul.Quid ergo faciam, quem disertim omnes DeiOdere? quem odit omnis Achiuum exercitus?Et omnis odit Troia, et omne isthuc solum?An domitionem ergo his relictis portubus,Solisque Atridis, trans et Aegeum parem?Sed qua potis sim fronte Telamonem patremContra obtueri? quomodo me inglorium,Virtute cassum sustinebit cernere,Quarum ipse rerum honoribus summis cluet?Non sic abibit, non. quid ergo? an vir viroCongressus ad Troum alta propugnaculaClare oppetam aliquo facinore illustri edito?Sed facerem Atridis rem bonam et gratissìmam.Non sic abibit. aliqua tentanda est via,Qua iam senectis obsito membris patriProfitear, haud hoc patre me ignauum satum.Nam turpe longum postulat se uiuere,Cui nulla detur a malis interquies.Nam quid habet in se volupe de die diesHinc summouens vitam, inde mortem promouens?Nihili quidem hominem fecerim quem spes alit,Vitamque vanis speribus lactat suam.Sed nempe pulchre uiuere, aut pulchre moriExpetere honestis et viris verum est. tenes.