Restinguet, et clamore compescet gravi. Teucer.Ego autem inanem et perperum vidi virum, Aliena propter insolescentem mala. Quem cum videret moribus quidam mihi Formaque similis, talibus praesens monet: Amice, ne sis mortuis iniurius.Aliter manet te, me vide, infortunium. Istis monebat nullius rei virum. Quin tueor illum. non is alius, ut reor, Fuerit, nisi tu. nonne conieci bene? Menelaus.Abscedo. nam quae turpitudo, velle eum Sermone castigare, qui cogi potest?Teucer.Abscede. nam quam turpe et inhonestum est mihi,Attendere homini effutienti inania?

Chorus.Atrox litis certamen erit.Quantum potis es, propera Teucer, Fossamque cavam citus huic cura.Ubi perpetua celebrem cunctis Tumulum cum laude tenebit.

Teucer.At ecce praesto tempori adsunt proxumeEt gnatus huius atque particeps tori, Ut exequantur rite funus mortui.O puer, adesdum. age accidas supplex patri, Qui te in supernas lucis oras edidit: Illi asside suppliciter, et manibus tene Meas, et huius, et tuas itidem comas, Supplicia velamenta. quod si exercitiQuidem aggreditur mortuo te avellere,Tollatur insepultus e medio male: Et eruatur genere toto stirpitus,