Iam video, Vlysse, saepe te venaticeCaptasse, vt artes hosticas praeuorteres,Teque adeo ad ipsam commodum classem vltimamAiacis, vbi post principia tendit, tuorRuspantem, et olim metientem seduloNotis adulta nuperis vestigia,Vt intus, an foras sit, oculis aucupes.Bene autem es assectatus, vt canis sagax.Nanque intus ellum est haud diu, caputSudore manans atque carnufices manus.Quare intus inspectare, nec tibi integrum est,Omitte: tantum fare, quoius gratiaTam satagis, omne vt, quicquid huius est, loquar.Vlysses.O mihi Dearum cara maxume omniumMinerua, quam vel eminus clare tuamVocem aure capio, et mente suspensa haurio.Qualis tubae sentitur aeneae sonor.Recteque sensti me mihi infensissumumAiacem odora circuire indagine.Ita est, eum venamur, haud alium, Dea.Nam facinus ista nocte caecum, nescium,Ancepsque fecit ille, si fecit tamen.Nil scimus etenim mentis errore auii.Quare hoc subiui sponte perferens onus.Nam pecua, nuper parta bellica manu,Iugulata, strata, sauciata foediter,Manu, magistris cum suis offendimus.Factique eum omnis huius auctorem facit.Huc adde, quod speculator hunc solum omnium,Campos cruento dum ense persultat furens,