ὥστʼ ἐν τοιοῖσδε χεῖρας αἱμάξαι βοτοῖς·κεῖνοι δʼ ἐπεγγελῶσιν ἐκπεφευγότες,ἐμοῦ μὲν οὐχ ἑκόντος· εἰ δέ τις θεῶνβλάπτοι, φύγοι τἂν χὡ κακὸς τὸν κρείσσονα.καὶ νῦν τί χρὴ δρᾶν; ὅστις ἐμφανῶς θεοῖςἐχθαίρομαι, μισεῖ δέ μʼ Ἑλλήνων στρατός,ἔχθει δὲ Τροία πᾶσα καὶ πεδία τάδε.πότερα πρὸς οἴκους, ναυλόχους λιπὼν ἕδραςμόνους τʼ Ἀτρείδας, πέλαγος Αἰγαῖον περῶ;καὶ ποῖον ὄμμα πατρὶ δηλώσω φανεὶςΤελαμῶνι; πῶς με τλήσεταί ποτʼ εἰσιδεῖνγυμνὸν φανέντα τῶν ἀριστείων ἄτερ,ὧν αὐτὸς ἔσχε στέφανον εὐκλείας μέγαν;οὐκ ἔστι τοὔργον τλητόν. ἀλλὰ δῆτʼ ἰὼνπρὸς ἔρυμα Τρώων, ξυμπεσὼν μόνος μόνοιςκαὶ δρῶν τι χρηστόν, εἶτα λοίσθιον θάνω;ἀλλʼ ὧδέ γʼ Ἀτρείδας ἂν εὐφράναιμί που.οὐκ ἔστι ταῦτα. πεῖρά τις ζητητέατοιάδʼ ἀφʼ ἧς γέροντι δηλώσω πατρὶμή τοι φύσιν γʼ ἄσπλαγχνος ἐκ κείνου γεγώς.αἰσχρὸν γὰρ ἄνδρα τοῦ μακροῦ χρῄζειν βίου,κακοῖσιν ὅστις μηδὲν ἐξαλλάσσεται.τί γὰρ παρʼ ἦμαρ ἡμέρα τέρπειν ἔχειπροσθεῖσα κἀναθεῖσα τοῦ γε κατθανεῖν;οὐκ ἂν πριαίμην οὐδενὸς λόγου βροτῶνὅστις κεναῖσιν ἐλπίσιν θερμαίνεται.ἀλλʼ ἢ καλῶς ζῆν ἢ καλῶς τεθνηκέναιτὸν εὐγενῆ χρή. πάντʼ ἀκήκοας λόγον.οὐχ ἑκόντος·:οὐχ ἔχοντος Σγρτἂν corr. Elmsley:τʼ ἂν A rec :γʼ ἂν L rec ὧδέ γʼ:ὧδʼ ἂν Mosq b :ὧδέ τʼ Tεὐφράναιμί:εὐφραίναιμί L :εὐφράνοιμί recφύσιν (ιν in litura unius litterae) Lγʼ om AacκἀναθεῖσαLArecStob. flor. 7.3 ; 121. 22 :κἀνεθεῖσα Ls As rec:malim προσθεῖσα, κἀνιεῖσα coll. Thuc. 3. 44, Eur. Andr. 531τοῦ γε:τοῦ δε (vel δὲ) Lac Stobaei nonnulliβροτῶν C E. Palmer: βροτὸν codd. Stob. κεναῖσιν:καλαῖσιν Stobaei codd. nonnulli.Χορόςοὐδεὶς ἐρεῖ ποθʼ ὡς ὑπόβλητον λόγον,Αἴας, ἔλεξας, ἀλλὰ τῆς σαυτοῦ φρενός.