ἵππον ὀχμάζεται ἀμφὶ λόφον ζυγῶνοὔρειόν τʼ ἀκμῆτα ταῦρον.

Χορόςκαὶ φθέγμα καὶ ἀνεμόεν φρόνημα καὶ ἀστυνόμουςὀργὰς ἐδιδάξατο καὶ δυσαύλωνπάγων ὑπαίθρεια καὶ δύσομβρα φεύγειν βέληπαντοπόρος· ἄπορος ἐπʼ οὐδὲν ἔρχεταιτὸ μέλλον· Ἅιδα μόνον φεῦξιν οὐκ ἐπάξεται·νόσων δʼ ἀμηχάνων φυγὰς ξυμπέφρασται.

Χορόςσοφόν τι τὸ μηχανόεν τέχνας ὑπὲρ ἐλπίδʼ ἔχωντοτὲ μὲν κακόν, ἄλλοτʼ ἐπʼ ἐσθλὸν ἕρπει,νόμους γεραίρων χθονὸς θεῶν τʼ ἔνορκον δίκαν,ὑψίπολις· ἄπολις ὅτῳ τὸ μὴ καλὸνξύνεστι τόλμας χάριν. μήτʼ ἐμοὶ παρέστιοςγένοιτο μήτʼ ἴσον φρονῶν ὃς τάδʼ ἔρδει.

Χορόςἐς δαιμόνιον τέρας ἀμφινοῶτόδε· πῶς εἰδὼς ἀντιλογήσωτήνδʼ οὐκ εἶναι παῖδʼ Ἀντιγόνην.ὦ δύστηνοςκαὶ δυστήνου πατρὸς Οἰδιπόδα,τί ποτʼ; οὐ δή που σέ γʼ ἀπιστοῦσαντοῖς βασιλείοισιν ἄγουσι νόμοιςκαὶ ἐν ἀφροσύνῃ καθελόντες;

Φύλαξἥδʼ ἔστʼ ἐκείνη τοὔργον ἡ ʼξειργασμένη·τήνδʼ εἵλομεν θάπτουσαν. ἀλλὰ ποῦ Κρέων;Χορόςὅδʼ ἐκ δόμων ἄψορρος εἰς δέον περᾷ.Κρέωντί δʼ ἔστι; ποίᾳ ξύμμετρος προὔβην τύχῃ;Φύλαξἄναξ, βροτοῖσιν οὐδέν ἔστʼ ἀπώμοτον.