τὸν τῇδε δύσνουν κἀς τὸν εὐμενῆ πόλει·νόμῳ δὲ χρῆσθαι παντί που πάρεστί σοικαὶ τῶν θανόντων χὠπόσοι ζῶμεν πέρι.Κρέωνὡς ἂν σκοποὶ νῦν εἶτε τῶν εἰρημένων.Χορόςνεωτέρῳ τῳ τοῦτο βαστάζειν πρόθες.Κρέωνἀλλʼ εἴσʼ ἕτοιμοι τοῦ νεκροῦ γʼ ἐπίσκοποι.Χορόςτί δῆτʼ ἂν ἄλλο τοῦτʼ ἐπεντέλλοις ἔτι;Κρέωντὸ μὴ ʼπιχωρεῖν τοῖς ἀπιστοῦσιν τάδε.Χορόςοὔκ ἔστιν οὕτω μῶρος ὃς θανεῖν ἐρᾷ.Κρέωνκαὶ μὴν ὁ μισθός γʼ, οὗτος· ἀλλʼ ὑπʼ ἐλπίδωνἄνδρας τὸ κέρδος πολλάκις διώλεσεν.Φύλαξἄναξ, ἐρῶ μὲν οὐχ ὅπως τάχους ὕποδύσπνους ἱκάνω κοῦφον ἐξάρας πόδα.πολλὰς γὰρ ἔσχον φροντίδων ἐπιστάσεις,ὁδοῖς κυκλῶν ἐμαυτὸν εἰς ἀναστροφήν·ψυχὴ γὰρ ηὔδα πολλά μοι μυθουμένη·τάλας, τί χωρεῖς οἷ μολὼν δώσεις δίκην;τλήμων, μενεῖς αὖ; κεἰ τάδʼ εἴσεται Κρέωνἄλλου παρʼ ἀνδρός; πῶς σὺ δῆτʼ οὐκ ἀλγύνει;τοιαῦθʼ ἑλίσσων ἤνυτον σχολῇ βραδύς.χοὔτως ὁδὸς βραχεῖα γίγνεται μακρά.τέλος γε μέντοι δεῦρʼ ἐνίκησεν μολεῖνσοί. κεἰ τὸ μηδὲν ἐξερῶ, φράσω δʼ ὅμως·τῆς ἐλπίδος γὰρ ἔρχομαι δεδραγμένος,τὸ μὴ παθεῖν ἂν ἄλλο πλὴν τὸ μόρσιμον.Κρέωντί δʼ ἐστὶν ἀνθʼ οὗ τήνδʼ ἔχεις ἀθυμίαν;Φύλαξφράσαι θέλω σοι πρῶτα τἀμαυτοῦ· τὸ γὰρ