στείχει, νέον τι πρᾶγμʼ ἔχων φίλοις φράσαι.ΑἰνείαςἝκτορ, τί χρῆμα νύκτεροι κατὰ στρατὸντὰς σὰς πρὸς εὐνὰς φύλακες ἐλθόντες φόβῳνυκτηγοροῦσι καὶ κεκίνηται· στρατός;ἝκτωρΑἰνέα, πύκαζε τεύχεσιν δέμας σέθεν.Αἰνείαςτί δʼ ἔστι; μῶν τις πολεμίων ἀγγέλλεταιδόλος κρυφαῖος ἑστάναι κατʼ εὐφρόνην;Ἕκτωρφεύγουσιν ἅνδρες κἀπιβαίνουσιν νεῶν.Αἰνείαςτί τοῦδʼ ἂν εἴποις ἀσφαλὲς τεκμήριον;Ἕκτωραἴθουσι πᾶσαν νύκτα λαμπάδας πυρός·καί μοι δοκοῦσιν οὐ μενεῖν ἐς αὔριον,ἀλλʼ ἐκκέαντες πύρσʼ ἐπʼ εὐσέλμων νεῶνφυγῇ πρὸς οἴκους τῆσδʼ ἀφορμήσειν χθονός.Αἰνείαςσὺ δʼ ὡς τί δράσων πρὸς τάδʼ ὁπλίζῃ χέρας;Ἕκτωρφεύγοντας αὐτοὺς κἀπιθρῴσκοντας νεῶνλόγχῃ καθέξω κἀπικείσομαι βαρύς·αἰσχρὸν γὰρ ἡμῖν, καὶ πρὸς αἰσχύνῃ κακόν,θεοῦ διδόντος πολεμίους ἄνευ μάχηςφεύγειν ἐᾶσαι πολλὰ δράσαντας κακά.Αἰνείαςεἴθʼ ἦσθʼ ἀνὴρ εὔβουλος ὡς δρᾶσαι χερί.ἀλλʼ οὐ γὰρ αὑτὸς πάντʼ ἐπίστασθαι βροτῶνπέφυκεν· ἄλλῳ δʼ ἄλλο πρόσκειται γέρας,σὲ μὲν μάχεσθαι, τοὺς δὲ βουλεύειν καλῶς·ὅστις πυρὸς λαμπτῆρας ἐξήρθης κλύωνφλέγειν Ἀχαιούς, καὶ στρατὸν μέλλεις ἄγειντάφρους ὑπερβὰς νυκτὸς ἐν καταστάσει.καίτοι περάσας κοῖλον αὐλώνων βάθος,εἰ μὴ κυρήσεις πολεμίους ἀπὸ χθονὸςφεύγοντας, ἀλλὰ σὸν βλέποντας ἐς δόρυ,νικώμενος μὲν οὔτι μὴ μόλῃς πάλιν·