Φθιάδων δʼ ἵππων ποτʼ ἐπʼ ἄντυγα βαίη,δεσπότου πέρσαντος Ἀχαιὸν Ἄρη,τὰς πόντιος ΑἰακίδᾳΠηλεῖ δίδωσι δαίμων.

Χορόςἐπεὶ πρό τʼ οἴκων πρό τε γᾶς ἔτλα μόνοςναύσταθμα βὰς κατιδεῖν· ἄγαμαιλήματος· ἦ σπανία τις τῶν ἀγαθῶν, ὅταν ᾖδυσάλιος ἐν πελάγεικαὶ σαλεύῃπόλις. ἔστι Φρυγῶν τις ἔστιν ἄλκιμος·ἔνι δὲ θράσος ἐν αἰχ-μᾷ· πόθι Μυσῶν ὃς ἐμὰνσυμμαχίαν ἀτίζει;

Χορόςτίνʼ ἄνδρʼ Ἀχαιῶν ὁ πεδοστιβὴς σφαγεὺςοὐτάσει ἐν κλισίαις, τετράπουνμῖμον ἔχων ἐπιγαίουθηρός; ἕλοι Μενέλαν,κτανὼν δʼ Ἀγαμεμνόνιονκρᾶτʼ ἐνέγκοιἙλένᾳ κακόγαμβρον ἐς χέρας γόον,ὃς ἐπὶ πόλιν, ὃς ἐπὶγᾶν Τροΐαν χιλιόναυνἤλυθʼ ἔχων στρατείαν.

Ἄγγελος Ποιμήνἄναξ, τοιούτων δεσπόταισιν ἄγγελοςεἴην τὸ λοιπὸν οἷά σοι φέρω μαθεῖν.Ἕκτωρἦ πόλλʼ ἀγρώταις σκαιὰ πρόσκειται φρενί·καὶ γὰρ σὺ ποίμνας δεσπόταις τευχεσφόροιςἥκειν ἔοικας ἀγγελῶν ἵνʼ οὐ πρέπει.οὐκ οἶσθα δῶμα τοὐμὸν ἢ θρόνους πατρός,