λέοντος, ὥς γʼ ἔφασκον αἱ θηρώμεναι.Κάδμοςσκέψαι νυν ὀρθῶς· βραχὺς ὁ μόχθος εἰσιδεῖν.Ἀγαύηἔα, τί λεύσσω; τί φέρομαι τόδʼ ἐν χεροῖν;Κάδμοςἄθρησον αὐτὸ καὶ σαφέστερον μάθε.Ἀγαύηὁρῶ μέγιστον ἄλγος ἡ τάλαινʼ ἐγώ.Κάδμοςμῶν σοι λέοντι φαίνεται προσεικέναι;Ἀγαύηοὔκ, ἀλλὰ Πενθέως ἡ τάλαινʼ ἔχω κάρα.Κάδμοςᾠμωγμένον γε πρόσθεν ἢ σὲ γνωρίσαι.Ἀγαύητίς ἔκτανέν νιν;—πῶς ἐμὰς ἦλθεν χέρας;Κάδμοςδύστηνʼ ἀλήθειʼ, ὡς ἐν οὐ καιρῷ πάρει.