πηκτοῦ γάλακτός τ’ οὐ σπάνια τυρεύματα. φέρεσθε· χωρεῖθ’ ὡς τάχιστ’ ἄντρων ἄπο, βότρυος ἐμοὶ πῶμ’ ἀντιδόντες εὐίου. —οἴμοι· Κύκλωψ ὅδ’ ἔρχεται· τί δράσομεν; Ὀδυσσεύςἀπολώλαμεν γάρ, ὦ γέρον· ποῖ χρὴ φυγεῖν; Σιληνόςἔσω πέτρας τῆσδ’, οὗπερ ἂν λάθοιτέ γε. Ὀδυσσεύςδεινὸν τόδ’ εἶπας, ἀρκύων μολεῖν ἔσω. Σιληνόςοὐ δεινόν· εἰσὶ καταφυγαὶ πολλαὶ πέτρας.Ὀδυσσεύςοὐ δῆτ’· ἐπεί τἂν μεγάλα γ’ ἡ Τροία στένοι,